Así foi o Camiña e Cata Chan de Vide

Supoño que as cambiantes previsións de choiva desanimaron a moitos socios a apuntarse. Nos últimos días daban sol, choiva, menos chovia, más choiva... o día anterior dicían que non chovia pola mañán e que sí o facía pola tarde... Choveu todo o rato 😂

Con certos claros, eso sí. E ademais sempre sen vento. O que ven sendo choiva pa´ baixo. Da que pos un paraugas e non te mollas.

Sobre todo se tes boa bota ou eres capaz de evitar os numerosos charcos 😅. 

E así fumos remontando primeiro o Miño e despois o Mendo. Este segundo cunha pista bastante embarrada. Despois subimos cara a Capela da Asunción a facer a foto de grupo obrigada.

Curioso lugar. Hoxe case sen vistas. De feito, según chegamos ofrecía unha espectacular imaxe, inda que na foto nos se aprecia muito.

Pero foise pechando e  empezou a diluviar.

"El vital aislamiento del panel sandwich en el inexistente panel informativo" 😂:

Despois seguimos cara o Tea. Hoxe, por primeira vez, dimos coa conexión oficial, e marcada, para conectar co Tea!

Que nos esperaba así de esplendoroso. 

E por sorpresa tamén vimos as primeiras estacadas instaladas ou a medio instalar. En Marzo estará o Tea cheiño delas. E as lampreas intentando escapar, claro...

Na ponte de Alxén recordamos aquela vez que Mónica é mais eu vimos unha chea de salmóns intentando saltar a pequena presa:

Non parecía que foran capaces de librar o salto. Alguén nos contou que os salmóns son parte dun programa de repoboación da Xunta. 

E pouco a pouco fumos chegando a ponte medieval de Fillaboa. 

Para logo darnos de bruces co Miño, outra vez.

Nesta ponte daban as 14.15h. Hora que púxeramos para a cata en Templum Sensibus. Actualizamos a Abraham e subimos o ritmo. 

Inda que había algún que insistía en facer fotos...

 

E que estaba para facelas, tamén.

Incluso para facer unha demonstración de principios!

Pero ao final chegamos!

Miguel e Pablo de Chan de Vide nos deron a catar a Rula Feiticeira, Chan de Vide Vran Co, Arabo ( todos albariños) e dous tintos. Sorprendeu muito o tinto do 2022. Moi agradable en nariz e boca. Acidez moi controlada e terciopelo no padal. 

Os brancos foron do máis doado, o Rula ao mais elegante, o Arabo. No medio, O Chan de Vide, un branco con personalidade pero sen moitas aristas. Compensado pero interesante ao mesmo tempo.

Todo iso acompañado de moi bos pinchos.

E a verdade que nos liamos coa hora portuguesa e non saimos ate as 17.00!! Pedimos disculpas ao taberneiro e aos adegueiros!

Camiño as termas para un baño recompoñedor. 

Algúns marcharon, pero a maiora nos quedamos e tivemos sorte de ter sitio nas termas. O baño prestou muito!

E coma nas termas non deixan sacar fotos, non nos queda outra que tirar de arquivo:

Por fin os de Viño Activo nas termas de Salvaterra 😁

Coma sempre toca dar as gracias a adega por toda a súa colaboración https://www.chandevide.gal/ . Neste caso, tamén a Abraham por atendernos na súa marabillosa viñoteca, cheiña de viñazos que recomendamos muito visitar e catar. O plan termas + viño na de Abraham é sempre gañador!

E por suposto: Gracias aos 8 socios valentes que viñeron e tamén á Vice por estar sempre ahí axudando!

Quedounas atrás o Museo da Ciencia do Viño, pero xa estamos planexando outra para o verán con visita incluida. Stay tuned for more rockandroll!

E a ver que argallamos para Marzo!