Camiña e Cata a Granxa D´Outeiro

 Cando o río Outeiro está a piques de morrer no Miño forma O Pociño de Francelos:

Un bonito recuncho onde os páxaros cantan sen fin e o tempo parece pasar ao ritmo lento do propio río. 

Xusto enriba de nós está a bodega da Granxa D´Outeiro , que obviamente recibe o nome do rio que ten aos pes:

Eiquí  comezaremos a camiñar, para enseguida atoparnos cun inmenso viñedo abandonado:

Socalcos esmorecendo,  agora cubertos de vexetación e árbores posiblemente centenarias. O que en tempos era unha gran viña agora e unha paisaxe de arbores e grandes penedos:

Paisaxes, e camiños últimamente atacados pola invasión da insistente acacia:

Papando completamente o camiño que tamén levaba centos de anos dando servizo 😔

Seguindo a subida nos atopamos con espectaculares vistas do Miño e da propia Granxa D`Outeiro e os seus viñedos.

E seguiremos monte arriba.

E na cima atoparemos o Chan da Moura.

Un lugar entre máxico, telúrico e histórico:

Entre penedos, unha morea de covas, un lagar rupestre, bodega, santuario...

O sitio perfecto para facer unha paradiña e comer algo. A subida ben o merece. O sitio tamén.

Con sorte atoparemos algunha botella ovidada na bodega😄

E despois baixaremos ate toparnos con Barcia. Unha aldea que nos recibe cunha fermosa vista de antigas "bodeguitas" tan típicas do Ribeiro:

E nos sorprende cunha chea de canastros. Eu que pensaba que iso so pasaba en Quins 😃

Pero abofé que non!

Agora toca coller unha congostra pegadiña a un regato que coñecimos fai pouco: O Outeiro!

E seguiremos ate Quins

A zona dos canastros e os cruceiros é parada obligatoria. 

O sitio ben merece a pena!

Inda que coñecéndovos igual preferides parar no bar do pueblo a mandarlle unha cervexiña...Xa vos adianto que non teñen comida!! Nada! Nen bocadillos. Obrigatorio traelos da casa!!

Inda pasaremos outra zona de canastros e seguiremos baixando, cando de repente nos aparecerá esta fermosísima ruina. A min faime voar a imaxinación!

Ese antigo tunel nos levará a aldea vella de Codesás. Outra marabilla da ruta...E non van poucas!

Seguindo o Camiño Real chegaremos ao destino. Antes disfrutaremos das vistas do Miño e de Francelos.

Os viñedos da Granxa nos anuncian a cata que nos espera 😋

Un muro que parece separar o divino do humano...e non temos que saltalo, que nos esperan 😏

So temos que cruzar esa porta para empezar a disfrutar dunha estupenda visita que incluirá a capela da Granxa, o Comedor e sala de actividades, tamén veremos algunha habitación , por suposto a bodega e se o tempo acompaña pode que algunha sorpresa mais 😎

Unha granxa medieval que pertencía ao Mosteiro de Melón e que foi recuperada con exquisito gusto. Cun pequeno Hotel, pequeno en número de cuartos, pero grande en historia, estilo, recuperación, viñedos, colmeas, e como non, unha adega da que imos probar dous Ribeiros brancos. Un novo e outro con guarda. Viran acompañados dun rico pincho, que inda descoñecemos pero que estamos seguros será delicioso 😋. 

En todo caso, compre levar a comida para algunha das paradas que imos facer. 

Temos auga en Quins e de ahí endiante, pero compre tamén levala. A subidiña vai tirar da gorxa 😎

A ruta é de 15 kilómetros (según o meu famoso reloxio 😀) con case 500 metros de desnivel acumulado. Polo tanto, dificultade Media. 

Hai, además, algún paso un pouco complicado por árbores caídas. 

Bo zapato ( bota de montaña ou similar) é obrigatorio. Os paus tamén poden ser utis.

A visita da Granxa está prevista para as 16.00 horas. Contando con dúas paradiñas de media hora no camiño; Chan da Moura e Quins.

Lugar de reunión:

https://maps.app.goo.gl/L8kfztTfMFdvi5CB6

Eiquí poderemos aparcar varios coches. Posiblemente todos, se non, hai mais sitios adiante. 

Hora de encontro para camiñar: 10 h

Saida de Vigo: 09.00h.

Para compartir coche quedaremos na Avda de Madrid como é habitual. 

Data da saida: Domingo 26 de Abril

Custo da saida: 35€ para Socios  (transferencia á conta da Asociación). 

Non socios deben pagar primeiro a cuota anual de 6€ e inscribirse na asociación; contactar en vinoactivogalicia@gmail.com 

Como resumo vos direi que me encantou preparar esta ruta; É un rutón! Algo duro, pero merece totalmente a pena e a guinda final é todo un luxo. Unha visita mais que recomendable!

Non o pensedes muito e reservade praza!