Camiña e Cata Areeiros. Domingo 23 de Marzo

Desta volta iremos ao final da ría. Coma sempre en busca de tesouros. Ao millor damos cos da batalla de Rande, pero e mais doado que topemos bo viño e boas paisaxes. O ADN de Viño Activo... ademais de matar domingos :-)

Coma case sempre prometo; Unha ruta chaira sen case costas 😄

O punto de inicio e fin será a Casa Rural e Adega Os Areeiros. O nome supoño que ten muito que ver cos Viños de Area da península do Morrazo.

 

Viñedos visibles incluso dende a estrada que vai dende Rande a Vilaboa. A famosa estrada das rotondas...a única alternativa se non queres pagarlle ao Florentino.

Eiquí xa vemos as viñas chegando a area da ría. Na andaina pasaremos por estas outras:

Os viños de area tiveron no seu momento unha gran vantaxe; A Filoxera non lle podía atacar. Por eso, no Morrazo atópanse cepas moi antigas, pre filoxera. O que na nosa primeira visita chamaban Cepas en Pe Franco. Vos acordades??

Se algún día fóstedes camiñando dende a praia de Barra ate Donón, seguro que pasástedes polas viñas que están marcadas en azul. Dentro da liña branca, podemos ver como suben as dunas. E xusto no final delas, están dous viñedos nos que se ve claramente como as cepas están en area!

Por certo, na visita de Videiras no Mar, Luis Videira nos comentou que César Alonso lle bota unha man para facer o viño. Enólogo de varias adegas (Cuñas Davia, por exemplo) e responsable de María Soliño; Un viño de area... que se non me trabuco muito, ten algunha desas viñas que están ahí marcadas. 

Déixovos unha nova da Voz onde conta a súa historia:  https://www.lavozdegalicia.es/noticia/vigo/cangas/2023/10/05/embrujo-vino-arena-leyenda/0003_202310V5C8991.htm

Pois digo eu, que eses viños de area son os que deron nome a esta adega. Preguntarémoslle na visita ao seu dono; Guillermo Martínez. Quen, ademais, foi peza clave na creación da IXP Ribeiras do Morrazo e sempre está presente nos actos de promoción do viño do Morrazo; Mostra do Viño de Vilaboa, Festa do Marisco de Vilaboa ou a Festa dos Viños IXP Ribeiras do Morrazo en Marín.

Na actualidade, Guillermo conta coa axuda da súa filla e do seu fillo, tanto na explotación da Casa Rural coma da adega, como podedes ver nesta visita que fixemos hai uns anos. 

Teñen un amplo viñedo rodeando a casa Rural e suman catro hectáreas en total. O seu enólogo e o afamado Pablo Estévez. Auténtico recolector... de premios :-)

Non sei se o Domingo 23 teremos tan boa sorte co tempo, coma nesta visita. Sitios agradables para catar o viño teñen dabondo.

A esa visita chegamos en bici dende Vigo. Homes, mulleres, pequerrechos...

Que chegaron cansos, pero nada que un pouco de móvil non poida arranxar :-)

E nós que veremos na ruta?

Percorreremos a, digamos, península de Larache:

Nos meteremos polas Salinas de Ulló 

E visitaremos os restos da granxa que explotaba as Salinas:

E como non, o final da ría de Vigo:

Planing:

Lugar de inicio: Areeiros 

https://maps.app.goo.gl/x6cJ64NgnQcDAANF8

Hai parking para varios coches na mesma bodega.

Hora de Inicio: 10.00h 

Hora da cata: 13.30/14.00h

Custo: 30€ 

Pola tarde temos a opción de subir a Coto Redondo. A pé ou en coche.